22 декабрь оқшомида "Челси" "Гудисон Парк"да "Эвертон" меҳмони бўлди. Учрашув голсиз дуранг билан якунланди.
Қизиғи, Энцо Мареска шогирдлари биринчи турдан буён илк бор гол ура олмади, агар фақат Премьер-лига учрашувларини ҳисобга олсак. "Челси"нинг Премьер-лигадаги 22 декабргача бўлган сўнгги голсиз ўйини 18 август куни бўлган. Ўшанда "кўклар" 1-турда ўз уйида "Манчестер Сити"ни қабул қилганди (0:2).
Дарвоқе, бу мавсумда жами расмий ўйинларни ҳисобга оладиган бўлсак, "Челси"да бор йўғи иккита ўйинда гол урилмаган. Иккинчи шундай учрашув 30 октябрь куни Англия лига кубоги доирасидаги "Ньюкасл"га қарши кечди. Ўшанда "кўклар" "қарғалар"га 0:2 ҳисобида имкониятни бой беришганди.
