"Барселона" бош мураббийи Ханс-Дитер Флик "Манчестер Юнайтед" вингери Алехандро Гарначони сотиб олишга қарши, деб хабар беради "El Nacional".

Манбага кўра, Флик Гарначо жамоага ўз ҳиссасини қўшиш учун керакли даражага эга эканлигига ишонмайди ва у билан шартнома имзолаш имкониятини рад этган.

Хабар қилинишича, унинг қарори нафақат спорт натижаларига, балки Алехандро Флик клубда амалга оширмоқчи бўлган иш фалсафаси ва талабларига тўғри келмайди, деган фикрга ҳам асосланган.

Олдинроқ Европа клубларидан бири Гарначони 60 миллион еврога сотиб олиш имконияти билан ижарага олишга тайёрлиги ҳақида маълумотлар пайдо бўлганди.

Жорий мавсумда 20 ёшли аргентиналик футболчи 25 та ўйин ўтказиб, 7 та гол урди ва 4 та голли узатмани амалга оширди.