"Манчестер Юнайтед" марказий ҳимоячиси Харри Магуайр "Фенербахче"га ўтмайди.

Январь ойида "қизил иблислар"ни тарк этиши айтилаётган 31 ёшли футболчига даъвогарлар қаторида Туркия Суперлигаси гранди ҳам кўрсатилганди. Журналист Руди Галеттининг хабар беришича, "Фенербахче" Магуайрни трансфер мақсади деб ҳисобламайди. Истанбул клуби ўз ҳимоясини кучайтириш имкониятларини ўрганмоқда, бироқ инглиз футболчисини қўлга киритиш варианти жуда қиммат деб топилди.

Transfermarkt экспертлари Харри Магуайрнинг нархини 15 миллион еврога баҳоламоқда. Футболчининг "Манчестер Юнайтед" билан шартномаси 2025 йилнинг ёзига қадар тузилган, бироқ у бир йилга узайтириш имкониятини ўз ичига олади.