"Бавария" вингери Майкл Олисе мавсумнинг биринчи ярми ҳақида ўз фикрлари билан ўртоқлашди.
Франциялик футболчи Мюнхен клубига июль ойида Англиянинг "Кристал Пэлас" клубидан кўчиб ўтганди. Венсан Компани жамоасида 23 та ўйинда майдонга тушган футболчи 9 та гол урди ва 9 та голли узатмани амалга оширди.
"Бавария мени сотиб олмоқчи эканини билганимда жуда хурсанд бўлдим. Ҳозир мен клуб руҳига янада сингиб кетдим. "Бавария" ажойиб менталитетга эга - сиз доимо ғалаба қозонишингиз керак. "Кристал Пэлас"да биз кўпинча ҳимояланар эдик, лекин бу ерда ҳеч қачон бундай бўлмайди. Босим жуда юқори, шунинг учун биз ҳар бир учрашувда ғалаба қозонишни истаймиз ва керак. Лекин бу менга ёқади ва бу шароитда ўзимни янада яхши кўрсата оламан деб ўйлайман", - дея Олисенинг сўзларини келтиради Bayern & Germany.
