"Манчестер Юнайтед" вингери Алехандро Гарначо бош мураббий уни "Манчестер Сити"га қарши ўйин учун таркибга киритмаганидан ҳали ҳам хафа.
Аргентиналик Рубен Аморимнинг қарори туфайли “шаҳарликлар” билан дербини ўтказиб юборди. Журналист Стив Бейтснинг сўзларига кўра, 20 ёшли футболчи устозининг қароридан ҳануз хафа. Португалиялик мутахассис Гарначода катта имкониятларни кўрмоқда, бироқ у юриш-туриш ва тартиб-интизом борасида Амад Диаллодан ўрнак олиши керак, деб ҳисоблайди.
Алехандро Гарначо ушбу мавсумда 26 ўйинда 8 та гол урди ва 4 та голли узатмани амалга оширди.
