"Челси"нинг бугунги етакчиларидан бири Энцо Фернандес 24 декабрдан 25 декабрга ўтар кечаси ўз суратини эълон қилди.
Кўпчилик британияликлар Рождествони нишонлаётганда, аргентиналик спорт залида ажойиб изоляцияда машқ қилаётганди ва бунинг исботи сифатида ижтимоий тармоқларга фотосуратини жойлаштирди.
23 ёшли ярим ҳимоячи жорий мавсумда “Челси” сафида барча турнирларда 21 та ўйин ўтказди. Уларда у учта гол урди ва жами саккизта голли узатмани амалга оширди. "Челси" чемпионлик учун даъвогарлардан бири, клуб Премьер-лига турнир жадвалида иккинчи ўринда.
