Лондоннинг “Челси” клуби бош мураббийи Энцо Мареска “Ипсвич Таун” ҳужумчиси Лиам Делап ҳақидаги фикрлари билан ўртоқлашди.

Аввалроқ ОАВда "кўклар" футболчини ёзги трансфер ойнасида қўлга киритиши мумкинлиги ҳақида маълумотлар пайдо бўлганди.

“Лиам – фантастик футболчи. У жуда яхши ҳужумчи – кўп марта айтганимдек, инглиз клублари жуда омадли, чунки уларда жуда яхши футболчилар, жуда яхши ҳужумчилар бор ва у тўпсиз кўп ишлайди, тўп билан у ўйинни тушунади ва гол ура олади.

Ёшини ҳисобга олсак, у Англия терма жамоаси учун муҳим футболчига айлана олади деб ўйлайман", - дея Маресканинг сўзларини келтирмоқда Sky Sports.