"Манчестер Сити" вингери Жереми Доку ўз устози Пеп Гвардиоланинг унинг ривожланишига қўшган ҳиссаси ҳақида гапирди.
Бельгиялик футболчи “шаҳарликлар”га 2023 йилнинг ёзида Франциянинг “Ренн” клубидан кўчиб ўтганди.
"Гвардиола менга ўйинни тушуниш, позицион футбол борасида ёрдам берди. У турли позицияларда ўйнашингиз ва жамоага ёрдам беришингиз учун нима қилиш кераклигини айтади.
У сизнинг кўпроқ ўрганишингизни хоҳлайди ва мен бу ерга келганимдан бери кўп нарсаларни ўргандим деб ўйлайман.
Менинг позициямда ўйнайдиган жамоадошларимдан ҳам ўрганаман. Улар билан машғулот ўтказиш ҳақиқий шарафдир", - дея Докунинг сўзларини келтиради City Xtra.
