"Барселона" устози Ханс-Дитер Флик жамоанинг ғалабаларга бўлган муносабатини ёқтиришини тан олди.
"Якунда менга ёқадиган ва мени хурсанд қиладиган нарса бу - ғалабалардан кейинги байрам, айниқса "Реал" ва "Бавария"га қарши ўйинлар. Менга футболчилар, клуб ва мухлислар ғалабани қандай нишонлагани ёқди", - деди Флик Barca Universal билан суҳбатда.
19-тур натижаларига кўра, "Барселона" 38 очко билан Испания чемпионатида учинчи ўринда бормоқда. Пешқадам “Реал”дан фарқ беш очкога етди. Ла Лиганинг навбатдаги турида каталонияликлар сафарда “Хетафе”га қарши баҳс олиб боришади, учрашув 18 январь куни бўлиб ўтади.
