"Наполи"дан ижарага олинган "Галатасарой" ҳужумчиси Виктор Осимхен мавсум якунига қадар бошқа жамоага ўтиши даргумон.
Туркия клуби форвардни ёзгача ижарага олганди. Хабарларга кўра, Осимхен учун 75 миллион евро тўлашга тайёр клуб бўлса, шартнома январь ойи бошида тугатилиши мумкин, аммо бу содир бўлмайди. Журналист Флориан Плеттенбергнинг сўзларига кўра, "Галатасарой" нигериялик юлдузнинг мавсум якунига қадар кетмаслигига ишончи комил. Ҳозирча футболчи борасида музокаралар олиб борилмаяпти.
Виктор Осимхен истанбулликлар сафида 16 та ўйинда 13 та гол урди ва 5 та голли узатмани амалга оширди. 26 ёшли футболчига аввалроқ "Манчестер Юнайтед", "Челси" ва "ПСЖ" клублари қизиқиш билдираётган эди.
