"Бетис" "Барселона"дан Ансу Фати ва Пау Викторни ижарага олиши мумкин.

«Diario Sport» хабарига кўра, Фатининг агенти Жорже Мендеш вингерни "Бетис", "Жирона" ва "Валенсия"га таклиф қилган. "Барселона" билан яхши муносабатлар ўрнатган Андалусия клуби Фатини мавсум охиригача ижарага олиш вариантини жиддий кўриб чиқмоқда. Ансуга Премьер-лиганинг бир қанча клублари ҳам қизиқиш билдирмоқда ва агар "Барселона" Дани Ольмо ва Пау Викторни рўйхатдан ўтказа олса, ушбу трансфер ойнасида Каталония клубини тарк этиши кутилмоқда.

Бундан ташқари, "Бетис" Викторнинг ҳолатини кузатиб бормоқда ва агар уни рўйхатдан ўтказиш рад этилса, форвардни ижарага олишга тайёр. Бироқ, айни дамда ҳамма нарса Викторнинг "Барселона"да қолишидан далолат бермоқда.