"Манчестер Юнайтед" ҳужумчиси Маркус Рэшфорд фаолиятини Лондоннинг "Арсенал" жамоасида давом эттириши мумкин. Бу ҳақда журналист Массимо Марианелла хабар берди.
Манба берган хабарга кўра, пойтахт клуби аллақачон "қизил иблислар" билан боғланиб, 27 ёшли Рэшфордни 25 миллион евро эвазига сотиб олишга тайёрлигини билдирган.
Жорий мавсумда футболчи барча турнирларни ҳисобга олган ҳолда 24 та ўйинда қатнашиб, етти бор рақиблар дарвозасини ишғол қилди ва учта голли узатмани амалга оширди. Англиялик футболчининг "Манчестер Юнайтед" билан шартномаси 2028 йилгача мўлжалланган.
