"Ливерпул"нинг Англия кубогининг учинчи босқичидаги рақиби "Акрингтон Стенли" бўлади. Бу жамоа тўртинчи дивизионда ўйнайди. Мерсисайдликлар жамоаси устози Арне Слот бўлажак ўйин ҳақида гапирди.
"Ҳар бир жамоа учун бизга қарши ўйин алоҳида воқеа. Лекин айниқса қуйи дивизион жамоаси учун. Демак, рақиб бунга тайёр бўлади. Эҳтимол, улар бу ўйин учун ҳафталар давомида яшашган.
"Акрингтон Стенли" учун бу ўйин Чемпионлар лигаси финалига ўхшайди ва биз бундан хабардор бўлишимиз керак. Бундай учрашувлардаги 10 та ҳолатдан 9 тасида энг қийини биринчи 25 дақиқа бўлиб, рақиб жуда шиддатли ўйнайди", деди Слот.
