Машҳур журналист ва телебошловчи Пирс Морган "Арсенал"нинг германиялик ҳужумчиси Кай Хаверцнинг "Манчестер Юнайтед"га қарши Англия кубоги 3-босқич учрашувидаги ўйини ҳақида гапирди. Учрашув 1:1 (3:5 пен.) ҳисобида “қизил иблислар” фойдасига ҳал бўлди.
"Арсенал"га ачиндим. Бутун ўйин давомида 10 нафар ўйинчи бўлган жамоага ўз уйингизда қандай қилиб ютқазишингиз мумкин? Ҳаверц бизнинг асосий ҳужумчимиз экан, бизда ҳеч қандай йирик соврин ютиш имконияти йўқ. Бугун у даҳшатли эди. Агар Артета ушбу трансфер ойнасида кимнидир, шу жумладан топ ҳужумчини ҳам сотиб олмаса, бизнинг мавсумимиз тугади" - деб ёзди Морган.
Эслатиб ўтамиз, Англия кубогининг амалдаги ғолиби ўтган мавсумнинг финал учрашувида "Манчестер Сити"ни 2:1 ҳисобида мағлуб этган "Манчестер Юнайтед" ҳисобланади.
