Бен Чилуэлл Энцо Мареска бошқарувга келганидан бери захирада қолди. 28 ёшли ҳимоячи атрофида қишда клубини ўзгартириши ҳақида кўплаб миш-мишлар юрибди.
Ушбу баёнотларга қарамай, инглиз футболчиси "Стемфорд Бриж"да қолишда давом этмоқда ва Мареска нима учун футболчининг жамоада ўйнай олмаётганига изоҳ берди.
"У зўр эди. Жуда профессионал. У қаттиқ ишлайди. Вазиятдан уяламан, лекин хулқ-атвор нуқтаи назаридан у ўзини жуда яхши тутади. Биринчи навбатда, бу менинг танловим бўлгани учун ўйнамаяпти", деб Мареска сўзларини келтиради Sky Sports.
Бен Чилуэлл жорий мавсумда барча мусобақаларда “кўклар” сафида фақат битта ўйин ўтказган.
