"Барселона" келажакда Марк-Андре тер Штегеннинг ўрнини боса оладиган икки дарвозабонни диққат билан кузатиб бормоқда.
El Nacional хабарига кўра, Каталония гранди дарвозабонлик учун "Порту"дан 25 ёшли Диогу Кошта ва унинг тенгдоши "Ницца"дан Мартин Булкани кўриб чиқмоқда.
"Барса" раҳбарияти яқин келажакда дарвозабон позицияси бўйича бир қарорга келиши кутилмоқда, чунки Марк-Андре тер Штегеннинг жиддий жароҳатини инобатга олган ҳолда жамоадаги бу рол келажак учун барқарорликни талаб қилади.
Ҳозирда "Барселона"нинг асосий дарвозабони 25 ёшли Иньяки Пенья бўлиб қолмоқда, у жорий мавсумда клуб сафида барча турнирларда 20та ўйин ўтказган ва олтита ўйинда дарвозаси дахлсизлигини сақлаб қолган.
