Питер Краучнинг фикрича, Эрлинг Холанд Премьер-лигадаги барча рекордларни янгилайди.
“Шартнома нега бунчалик узоқ тузилганини билмайман. Лекин мен бу ҳаракатни "Ман Сити" нуқтаи назаридан тўлиқ тушунаман. Бу улар учун фойдали. Шартномада сотиб олиш банди йўқ, шунинг учун улар уни 10 йил давомида сақлаб қолишади.
Холанд заифлашмайди, фақат яхшиланади. У Премьер-лигага қўшилганидан бери мутлақ етакчи бўлди. Ўйлайманки, у барча рекордларни янгилайди. Алан Ширернинг Премьер-лигадаги 260 та голига қаранг. Энди унинг рекорди хавф остида.
Кейн кетганидан кейин Алан жуда хурсанд бўлганди, лекин ўйлайманки, Холанд барча рекордларни янгилайди", - деди англиялик собиқ футболчи.
