Жейми Гиттенс жорий мавсум охирида "Боруссия"ни тарк этиши мумкин.
Журналист Флориан Плеттенбергнинг ёзишича, 20 ёшли вингернинг трансферини нафақат "Бавария", балки "Челси" ва "Манчестер Юнайтед" ҳам кўриб чиқмоқда.
Ҳозирча ҳеч қандай қарор қабул қилинмаган, аммо барча клублар аниқ қизиқиш билдиришган.
Таъкидланишича, 10-ўринда бораётган Дортмунд жамоаси келаси мавсумда Чемпионлар лигасида иштирок эта олмаса, футболчининг кетиши эҳтимоли катта бўлади. Жеймининг клуб билан амалдаги шартномаси 2028 йилгача мўлжалланган.
Гиттенс жорий мавсумда Бундеслигада 18 та ўйин ўтказиб, 7 та гол урди ва 3 та голли узатмани амалга оширди.
