"Вальядолид" марказий ҳимоячиси Жума Ба "Манчестер Сити"га ўтишга яқин турибди.
Инсайдер Фабрицио Романо хабар беришича, инглиз гранди 18 ёшли Сиьерра-леонелик футболчининг трансфери бўйича оғзаки келишувга эришди. Трансфердан сўнг, "шаҳарликлар" марказий ҳимоячини "Ланс"га ижарага юборишлари мумкин. "Манчестер Сити" раҳбарияти Абдуқодир Ҳусанов бўйича келишувдан сўнг Франция клуби билан яхши муносабатда.
Жума Ба Ла Лиганинг жорий мавсумида "Вальядолид" сафида 12 та ўйин ўтказди. Истиқболли африкалик футболчи апрель ойида 19 ёшини нишонлайди.
