"Манчестер Сити"дан Кайл Уокер "Милан"га ўтишга яқин турибди.
Хабарга кўра, кеча клублар музокараларда янги қадам ташлашди. Битим сотиб олиш ҳуқуқи билан ижара сифатида амалга оширилади. Ҳимоячининг ўзи кейинги олти ойлик маошини камайтиришга рози бўлди.
Томонлар ўртасида бугун келишувга эришилиши кутилмоқда, шундан сўнг Уокер Миланга учиб, тиббий кўрикдан ўтиши мумкин, бу эртага бўлиб ўтади.
Англиялик футболчи Чемпионлар лигаси доирасидаги "Милан" - "Жирона" учрашувига ташриф буюриши мумкин.
Уокер жорий мавсумда барча мусобақаларда 18 та ўйинда майдонга тушди ва 3 та сариқ карточка олди.
