"Бавария" бош мураббийи Венсан Компани "Бавария"нинг янги футболчиси Том Бишоф ҳақида фикр билдирди.
"Хоффенхайм" ярим ҳимоячиси июль ойида Мюнхен грандига эркин агент сифатида қўшилади. 19 ёшли футболчи "Бавария" билан 2029 йилгача мўлжалланган шартнома имзолади.
“Бишофнинг кучли томонларини ҳамма билади. Унинг футболчилардан ўтиши, техник қобилияти, белгиланган вазифаларни бажариши, чизиқларни "бузиш" қобилияти. У жуда қобилиятли.
Аммо ҳозир энг муҳими - "Фейеноорд"га қарши ўйин, шунингдек, бугунги кунда жамоамизда бўлган футболчилар", - дея Компанининг сўзларини келтиради Bayern & Germany Чемпионлар лигаси ўйини олдидан матбуот анжуманида.
