"ПСЖ" бош мураббийи Луис Энрике Чемпионлар лигасининг 7-турида "Манчестер Сити" билан бўладиган ўйин ва Хосеп Гвардиола билан бўладиган учрашув ҳақидаги тахминлари билан ўртоқлашди.
Олти турдан кейин "Сити" турнир жадвалида 24-ўринда, "ПСЖ" эса 26-ўринда бормоқда.
"Бу жуда муҳим ўйин, унга ҳамма тайёр бўлиши керак. Ўйлайманки, иккала жамоа ҳам ўзларининг энг зўр қуролларини ишга солишга ҳаракат қилишади.
Чемпионлар лигасининг янги формати билан ҳеч ким “Манчестер Сити” ва “ПСЖ”нинг қаерга келишини олдиндан айтиб бера олмади. Кейинги босқичга чиқиш учун қанча очко олишимиз кераклигини ҳали билмаймиз, балки буни шу турдан кейин билиб олармиз.
Агар Пеп Гвардиола ва мени бир нарса белгилайдиган бўлса, бу иккаламиз ҳам ҳужумкор футбол ўйнашни яхши кўрамиз.
Умид қиламизки, қийин бўлишини билсак-да, трибуналаримиз қўллаб-қувватлаган ҳолда яхшироқ ўйнай оламиз. Эртанги ўйинни ажойиб футбол ўйини бўлиши учун бизда ҳамма нарса бор. Энг яхши жамоа ғалаба қозонсин, умид қиламанки, бу "ПСЖ" бўлади", - дея Энрикенинг сўзларини келтиради клуб матбуот хизмати.
Жамоалар ўртасидаги ўйин бугун, 22 январь куни Парижда бўлиб ўтади.
