Дунёга машҳур инсайдер Фабрицио Романо ижтимоий тармоқларда Кайл Уокернинг "Манчестер Сити"дан "Милан"га ўтиши кутилаётганини тасдиқлади.
Кайл "россонерилар"га келаси олти ойга ижара асосида ўтади, "Милан" футболчини сотиб олиш ҳуқуқига эга. Келишув тўлиқ якунланган ва келишилган, дея қайд этади инсайдер.
Уокер "Манчестер Сити"га қарийб саккиз йил аввал, 2017 йилда келиб қўшилган эди. Умуман олганда, англиялик "шаҳарликлар" билан 17 та совринни қўлга киритишга муваффақ бўлди.
34 ёшли Уокер жорий мавсум “Сити” сафида 18 та ўйинда майдонга тушди, бироқ гол ура олмади.
