"ПСЖ" дарвозабони Жанлуижи Доннарумма жамоасининг "Манчестер Сити"га қарши (4:2) ЕЧЛ умумий босқичининг 7-тур учрашувидаги ғалабаси ҳақида фикр билдирди.
"Бу ақл бовар қилмайдиган туйғу. Иккита гол ўтказиб юборганимдан кейин жамоа ўзгаришидан бироз хавотирда эдим.
Аммо мухлисларга раҳмат, чунки биз 90 дақиқа давомида уларнинг қўллаб-қувватлашини ҳис қилдик ва бу ақл бовар қилмас ҳиссиётларни берди.
Бу ғалаба мухлислар учун ва бутун "ПСЖ" учун жуда муҳим.
Биз катта куч бердик, буни майдонда кўрдингиз. Жамоа ажойиб ўйин ўтказди ва бу ҳақли ғалаба бўлди.
Худди шу руҳда давом этамиз, чунки ҳали олдинда Чемпионлар лигасида яна бир муҳим ўйин бор. Бугун биз ушбу лаҳзалардан завқланамиз, кейин эса бор эътиборимизни чемпионлик ва Чемпионлар лигасига қаратамиз", - дея Доннарумманинг сўзларини келтиради «ПСЖ» расмий сайти.
