"Наполи" Рандал Коло-Муанининг "Ювентус"га ўтишини кечиктиришга уринди.
"ПСЖ" ҳужумчиси кеча Турин клубига ижарага ўтди. Эртага "Ювентус" А Сериянинг 22-турида "Наполи"га қарши ўйнайди.
"Наполи" клуби франциялик футболчининг трансфери ҳақидаги расмий эълонни кечиктиришга уринди. Туринда баъзилар ҳатто "ПСЖ"нинг бюрократик масалаларни ҳал қилишдаги кечикишлари "Наполи"нинг парижликларнинг спорт маслаҳатчиси Луиш Кампушга қилган аниқ илтимоси билан боғлиқ деб гумон қилишди. Қайд этилишича, неаполликлар у билан аъло даражада муносабатларни ривожлантиришган.
Repubblica нашри хабарига кўра, "Наполи" А Сериядаги ўйиндан сўнг трансфер якунланишини истайди. Аммо "Ювентус" ўз навбатида икки клуб раҳбарияти ўртасидаги аъло даражадаги муносабатлардан фойдаланиб, парижликларга катта босим ўтказди, шунингдек, бош мураббий Тьяго Мотта ва "ПСЖ" президенти Носир Ал-Хелайфи.
Қайд этилишича, музокаралар бошида Ал-Хелайфи "Ювентус" бош директори Маурицио Сканавинога қўнғироқ қилиб, "бьянконерлар" Европа клублари ассоциациясида қайта тикланганидан сўнг янгиланган муносабатларни мустаҳкамламоқчи.
