"Реал Мадрид" вингери Винисиус Жуниор у ва вингер Родриго ҳужумчи Килиан Мбаппега барча мусобақаларда энг яхши тўпурар бўлишига ёрдам беришга тайёрлигини айтди.

"Биз - Винисиус, Мбаппе ва Родриго гол уриш ва голли узатма бериши керак бўлган учта ҳужумчимиз. Тўғриси, жамоа Килиандан жуда хурсанд.

Бошланиш ҳар доим қийин, лекин у яхши мослашди. Килиан зўр футболчи бўлгани учун у мослашиш даврида ҳам кўп гол урди. Родриго ва мен унинг барча мусобақаларда энг яхши тўпурар бўлиши учун қўлимиздан келганини қиламиз, чунки у бу ерга айнан шу мақсадда келган", - деди Винисиус TNT Sports Brasil билан суҳбатда.

Мбаппе жорий мавсумда барча турнирларда 30 та ўйин ўтказиб, 18 та гол урди ва 3 та голга ассистентлик қилди.