Дортмунднинг "Боруссия" клуби вингери Карим Адейеми тез орада "Наполи" футболчисига айланиши мумкин. Бу ҳақда инсайдер Фабрицио Романо хабар берди.
Манбанинг хабарига кўра, клублар 23 ёшли футболчининг трансфери бўйича тўлиқ келишувга эришишга яқин турибди. Шартнома тахминан 40 миллион еврога баҳоланмоқда.
Адейеми жорий мавсумда барча турнирларда 13 та ўйин ўтказиб, 5 та гол урди ва 5 та голли узатмани амалга оширди. Адейемининг "Боруссия" билан амалдаги шартномаси 2027 йилнинг ёзига қадар мўлжалланган. Transfermarkt портали футболчининг нархини 35 миллион еврога баҳоламоқда.
