"Барселона" Ансу Фати билан хайрлашмоқчи.

«Marca» нашрининг таъкидлашича, мураббийлар штаби ҳам, "кўк-анорранглилар" раҳбарияти ҳам агар вингер жамоани тарк этса, хурсанд бўлар эди, чунки у деярли ўйнамайди ва тўлиқ ривожланиш имкониятидан маҳрум.

Футболчининг ўзи амалиёт танқислигига қарамай, қолишга қатъий аҳд қилган. Ҳатто Ханси Флик билан бўлган суҳбат ҳам унинг фикрини ўзгартирмади: бош мураббий Фатига ҳужумда рақобат жуда кучли эканлигини, шунинг учун ҳам Ансу ҳар бир имкониятдан фойдаланиб, ўзининг максимал даражасини кўрсатиши кераклигини уқтирди.

Шу билан бирга, "Барселона" Фати, "Брайтон"даги ижара ҳолатида бўлгани каби, сўнгги дақиқада фикрини ўзгартириб, бошқа жамоага ўтишига умид қилмоқда.

Бу мавсумда 22 ёшли футболчи Ла Лиганинг 4 та ўйинида иштирок этди.