"Милан" бош мураббийи Серхио Консейсау "Парма" устидан қозонилган ғалабадан кейин (3:2) ҳимоячи Давиде Калабрия билан жанжаллашиб қолди.
Португалиялик мутахассис муҳокама қилинаётган вазият юзасидан ноаниқ изоҳ берди.
"Мен ҳар куни асабийлашаман (кулади). Бу адреналин сизни ушбу спорт турини иштиёқ билан кўришга ундайди.
Бунга учрашувдаги вазият сабаб бўлди. Шогирдларим орасида номақбул хатти-ҳаракатларни сезсам ва уни тузатишни хоҳласам, уларга айтаман.
Бу муҳим ҳиссий алоқани кўрсатади", деди Консейсау ўйиндан кейин.













