"Арсенал" бош мураббийи Микель Артета жамоанинг чемпионлик учун кураши ҳақидаги саволга жавоб берди.
"Арсенал"да катта унвонларни қўлга киритиш истаги муҳокама қилинмайдиган масала. Жамоа ўз чиқишларида кўрсатаётган барқарорликни ҳисобга олсак, бошқа шароитларда биз албатта бирор йирик унвонни қўлга киритган бўлардик. Бироқ, ҳақиқат шуки, бу ҳолатда эмас. Демак, бизга нимадир етишмаяпти. Айнан шу ерда биз ўша етишмаётган нарсани топишимиз ва унвонлар сари навбатдаги қадамни қўйишимиз зарур," - дея Артетанинг сўзларини келтиради Mundo Deportivo.
"Арсенал" айни дамда Англия Премьер-лигаси жадвалида иккинчи ўринда бормоқда.
