Франциянинг «Сент-Этьен» клуби ҳужумчиси Пьер-Эмерик Обамеянг келажаги борасида гапириб ўтди. Габон терма жамоаси ҳужумчиси фаолиятини «Милан»да давом эттиришни хоҳлашини яширмади.
«Бундан бир неча йил муқаддам «Милан» билан ўйиндан кейин бу ердан кетаётганимда, қачон бўлса ҳам, «россонерлар» сафига қайтишни истардим дегандим».
«Ҳозир эса бу ишни қилишга ўзимни тайёрдек ҳис қилмоқдаман. Мен «Милан»га қайтишни истайман. Аммо бу иш осон битади деб ўйламайман», дея Обамеянгдан иқтибос келтиради «Scarcafe».
Таъкидлаб ўтиш жоиз, Обамеянг «Милан» академиясида тарбия топган ва 2011 йилда сотиб юборилганди. Унга қадар эса футболчи «Дижон», «Лилль» ва «Монако» сафида тўп сурганди.













