Ўзбекистон футбол ассоциацияси биринчи вице-президенти Равшан Эрматов ва ҳудудий футбол ассоциациясилари билан ишлаш бўлими раҳбари Бахтиёр Ширинов Жиззах вилояти футбол академияси, вилоят футбол мактабининг ҳозирги кундаги ҳолати ва яратилган шароитлар ҳамда амалга оширилиши лозим бўлган ишлари билан яқиндан танишди.
ЎФА раҳбарияти шунингдек Жиззах вилояти ҳокими Улуғбек Мустафоев билан учрашди ва вилоятда футбол спорт турини янада оммавийлигини оширишга қаратилган масалалар юзасидан фикрлар алмашилди. Равшан Ирматов йиғилишда алоҳида селекция ишлари бўйича ҳам тўхталиб ўтди. Мактаблар ва маҳаллаларда селекция ишларини тизимли равишда тўғри йўлга қўйиш кераклиги таъкидланди.
Шундан сўнг конференцияга делегатлар сифатида Жиззах вилояти бошқарма ва ташкилотлар раҳбарлари, вилоят футбол академияси ва футбол мактаби ҳамда бир қатор футбол фидойилари иштирок этишди.
Жиззах вилояти футбол ассоциацияси биринчи вице-президенти лавозимига тасдиқлаш бўйича конференциянинг кун тартибидаги масала юзасидан овоз бериш жараёни йўлга қўйилди ва бир овоздан Шуҳрат Юлдашев Жиззах вилояти футбол ассоциацияси биринчи вице-президенти этиб тайинланди.
