"Манчестер Юнайтед" бош мураббийи Рубен Аморим нима учун мавсум ўртасида клубда ишлашга қарор қилгани ҳақида гапирди.

Португалиялик ушбу лавозимни келаси ёзда эгаллашни афзал кўришини тан олди, бироқ клуб ўз ниятида қатъий туриб олди.

"Менимча, бу аниқ. Мавсумни жамоа билан бошлаганингизда, ҳаммаси бутунлай бошқача бўлади. Сизда ўйлаш, футболчиларни ҳис қилиш, мавсумолди тайёргарлик кўриш, керакли ўзгаришларни амалга ошириш учун вақт бор.

Бу аниқ, лекин мени танлов олдига қўйишди (ҳозир ёки ҳеч қачон), шунинг учун бу ҳақда гапиришдан маъно йўқ. Бу ишга киришмоқ учун ўз сабабларим бор эди. Биламан, бу оғир, хавфли, аммо бу "Манчестер Юнайтед" таклиф билан чиқса, "йўқ" дея олмайсан," - деди Аморим "Эвертон"га қарши шанба кунги ўйин олдидан ўтказилган матбуот анжуманида.