«Севилья» ҳужумчиси Алваро Негредонинг агенти Хуанма Лопеснинг таъкидлашича, мижози Испанияни тарк этиши мумкин экан.
«Алваро жуда яхши мавсумни ўтказди ва кўпгина жамоалар уни ўз таркибларида кўришни хоҳлашмоқда.
Менимча, у Англия ёки Италия жамоаларидан бирига ўтиши мумкин. Рафаэль Бенитес уни яхши билади. Шундай экан «Наполи»да яхши имконият бор. Бундан ташқари «Наполи» чемпионлар лигасида ҳаракат қилади. Бу айнан Негредо учун керакли бўлган рақобат майдони.
Ҳал қилувчи қарорни албатта, «Севилья» қабул қилади. Негредони ўз таркибига қўшиб олмоқчи бўлган жамоалар «Севилья» билан келишишлари керак бўлади.
Шуни ҳам таъкидлаш жозики, Негредонинг трансфер баҳоси 20 миллион евро қилиб белгиланган.
Футболчига «Ювентус», «Анжи», «Боруссия Д», «Фиорентино», «Вест Ҳем» ва «Атлетико» жамоалари қизиқиш билдиришган.













