"Атлетико" яна ўйин охирида гол урди.
Бугун мадридликлар Испания Кубоги ярим финал дастлабки баҳсида "Барселона" билан дуранг ўйнади (4:4). Иккинчи бўлимга қўшиб берилган 3-дақиқада Александр Сёрлот мувозанатни тиклади.
Норвегиялик ҳужумчи кетма-кет бешинчи ўйинда "блауграна" дарвозасини ишғол қилди. 21 декабрь куни у қўшиб берилган 6-дақиқада гол уриб, "Атлетико"га каталонияликлар устидан ғалаба келтирганди.
Диего Симеоне жамоаси бу мавсумда 90 ва ундан кейинги дақиқаларда жами 16 та гол урган.