"Челси" бош мураббийи Энцо Мареска дарвозабон Филип Йоргенсеннинг ўйини ҳақидаги саволга жавоб қайтарди.

Даниялик футболчи "кўклар"га "Саутгемптон" устидан 4:0 ҳисобида ғалаба қозонишга ёрдам берди.

Мухлислар дарвозабоннинг тўпни ердан ўйнатишга ҳаракат қилганидан хурсанд эмас, аммо маълум бўлишича, унинг бошқа иложи йўқ эди.

"Мен Филипга: "Агар сен тўпни тепиб юборсанг, мен сени алмаштираман," дедим. Футболчилар режага амал қилишлари керак ва у буни уддалаганидан хурсандман," - дея Маресканинг сўзларини келтиради журналист Низаар Кинселла.