Лондоннинг "Арсенал" клуби "Атлетико" ярим ҳимоячиси Пабло Барриосни ўз сафига қўшиб олмоқчи.
Эслатиб ўтамиз, 21 ёшли футболчи аввалроқ "Челси" радарига тушган эди. TBR Football хабарига кўра, испаниялик ёш футболчига "Арсенал" ҳам даъвогарлик қилмоқда. "Канонирлар" хавбекнинг ёзги трансферини кўриб чиқмоқда.
Пабло Барриос "матрасчилар" сафида жорий мавсум 26 та баҳсда 2 та голли узатмани амалга оширди. Transfermarkt экспертлари футболчининг нархини 50 млн еврога баҳоламоқда.













