"Челси" "Гремио" ҳужумкор ярим ҳимоячиси Габриэль Мекни ўз сафига қўшиб олишга ҳаракат қилмоқда, деб ёзади «TBRFootball».

Инглиз клуби ўтган ёзда 16 ёшли Мек билан музокаралар олиб борган, аммо футболчи Бразилияда қолишни истаганди. Бу йил у "Гремио"нинг асосий жамоасига ўтди, "Челси" эса унга 2026 йилда клубга қўшиладиган келишувни таклиф қилмоқчи.

Габриэлга "кўклар"дан ташқари "Барселона" ҳам қизиқиш билдирмоқда. Футболчи "Гремио"ни тарк этишга шошилмаяпти, аммо 18 ёшга тўлмасидан анча олдин келишувга эришишни режалаштирмоқда.

Бу мавсумда Мек катталар даражасида 2 та ўйинда майдонга тушди ва ёшлар учун 8 та ўйинда майдонга тушиб, 2 та голли узатмани амалга оширди.