Мавсумни "Галатасарой"да ижара асосида ўтказаётган "Наполи" ҳужумчиси Виктор Осимхен Лондоннинг "Арсенал" клуби радарида қолмоқда. "Канонирлар"га шунингдек, "РБ Лейпциг"дан Бенжамин Шешко ва "Ньюкасл"дан Александр Исак ҳам қизиқ, бироқ айнан нигериялик энг реал вариант ҳисобланади, деб хабар бермоқда журналист Ягиз Сабунчўғлу. Гап футболчининг шартномасида кўрсатилган 75 млн евролик товон пули ҳақида кетмоқда.
Осимхенни қўлга киритиш эса, унчалик осон бўлмайди, чунки унга бошқа даъвогарлар ҳам бор - масалан, "Манчестер Юнайтед." 26 ёшли футболчининг "Наполи" билан шартномаси 2026 йилнинг ярмигача мўлжалланган.













