Франциянинг “Лилль” клуби бош мураббийи Бруно Женезио нега Чемпионлар лигаси 1/8 финалида Германиянинг “Боруссия Дортмунд” клубига қарши ўйинда ярим ҳимоячи Этан Мбаппени асосий таркибда майдонга туширишга қарор қилганини тушунтирди. Учрашув 1:1 ҳисобида дуранг билан якунланди.
"Этан Парижда яхши ўйнади ва мен ўйинни олдинга тезлаштиришни хоҳлардим. Ҳужумкор ўйинчиларимиз билан жуда кўп муаммоларимиз бор: баъзилари жароҳат олишган, бошқалари эса эндигина жароҳатдан тикланмоқда. Менга Этаннинг Париждаги жасоратли ўйини унга осон бўлмаган вазиятда жуда ёқди", - дея Женезио сўзларини келтиради RMC Sport.
Аввалроқ, 18 ёшли Этан Мбаппе Франция чемпионатининг 24-туридан ўрин олган "ПСЖ"га (1:4) қарши ўйинда танаффусдан кейин захирадан майдонга тушганди.
