Мадриднинг "Реал" клуби бош мураббийи Карло Анчелотти Чемпионлар Лигаси 1/8 финалидан ўрин олган "Атлетико"га қарши 12 март, чоршанба куни бўлиб ўтадиган жавоб учрашуви ҳақида гапирди. Биринчи ўйинда "қаймоқранглилар" "матрасчилар"ни 2:1 ҳисобида мағлуб этишди.
"Ушбу мусобақада иштирок этар эканмиз, ҳар доимгидек ўйинга тайёргарлик ва мотивация билан ёндашамиз. Биз дуч келишимиз керак бўлган қийинчиликларни ҳисобга оламиз. Биз учун ўзига хос бўлган ушбу турнирда иштирок этишда давом этишимизга ишонамиз," - дея Анчелоттининг сўзларини келтиради "Sport.es".
Мадрид жамоалари ўртасидаги ўйин "Сивитас Метрополитано" стадионида бўлиб ўтади.
