Жума куни Бельгия терма жамоасининг март ойидаги йиғинига чақирилган футболчилар рўйхати эълон қилинди. Аҳамиятлиси, рўйхатдан "Реал" дарвозабони Тибо Куртуа ҳам ўрин олган.
Охирги марта Куртуа 2023 йил июнь ойида Бельгия терма жамоасида ўйнаган. Шундан сўнг, дарвозабон Доменико Тедеско билан муносабатларидаги муаммолар туфайли "қизил иблислар" сафида ўйнамади. Январь ойида ушбу мутахассис Бельгия терма жамоаси бош мураббийлигидан кетганди. Ҳозирда жамоани Руди Гарсия бошқармоқда.
Бельгия терма жамоасини Миллатлар лигаси плей-офф босқичи доирасида Украинага қарши иккита ўйин кутиб турибди - сафарда (20 март) ва уйда (23 март). Турнирнинг кейинги мавсумида қарама-қаршилик ғолиби А лигада, мағлуб эса Б лигада иштирок этади.
