«Реал Мадрид» жамоаси «Вильярреал»га қарши сўнгги 9 та сафар учрашувидан фақат биттасида ғалаба қозонган. Бу ғалаба 2016/17 мавсумида қайд этилган (3:2). Қолган учрашувларда «Реал Мадрид» 6 марта дуранг ўйнаган ва 2 марта мағлуб бўлган.
Масалан, 2024 йил 19 май куни бўлиб ўтган учрашувда «Вильярреал» ва «Реал Мадрид» 4:4 ҳисобида дуранг ўйнашган. Бу ўйинда «Вильярреал» ҳужумчиси Александер Сёрлот покер қайд этган.
Шунингдек, 2023 йил 7 январдаги учрашувда «Вильярреал» ўз майдонида «Реал Мадрид»ни 2:1 ҳисобида мағлуб этган.
Умуман олганда, «Реал Мадрид»нинг «Вильярреал» майдонидаги ўйинлари сўнгги йилларда қийин кечмоқда.
Маълумот ўрнида. Испания чемпионатининг 28-туридан ўрин олган "Вильярреал" - "Реал" ўйини 15 март куни Тошкент вақти билан 22:30да бошланади.
