Ноқулай об-ҳаво туфайли Сеулга уча олмаётган Ўзбекистон терма жамоаси Пекинда қолгани борасида хабар бериб ўтгандик. ЎФФ матбуот хизмати бошлиғи Санжар Ризаевниннг твиттерда ёзишича, Ўзбекистон терма жамоаси делегация бугун Пекинга қолади.
«Сеулга самолёт учмайдиган бўлди. Делегация Пекиндаги «Бейцзинг континентал» меҳмонхонасига жойлашди. 8 июнни ҳам шу ерда ўтказамиз. Дастлабки маълумотларга кўра, 9 июнь куни Жанубий Кореяга учамиз», дейди Ризаев.
Ризаевнинг қайд этишича, терма жамоамиз эртага Пекинда машғулотлар олиб боришади. Машғулотлар олимпиада муосабақаси учун барпо этилган стадионда олиб борилади. «Ҳаммаси жойида. Ташвишга ўрин йўқ», дейди Ризаев.
Маълумотларга қараганда, Сеулда кореялик журналистлар Ўзбекистон терма жамоасининг келишини аэропортда 3 соат кутиб, кейин тарқалишган.
