"Фенербахче" Туркия топ-5 лигаси клубларига қарши ўйинлардаги ғалабасиз сериясини 6 ўйинга етказди.
Якшанба куни Жозе Моуриньо бошчилигидаги жамоа ўз майдонида "Самсунпор"ни мағлуб эта олмади (0:0).
Жорий чемпионатда топ-5 га қарши жами 6 ўйинда "Фенербахче" 4 марта дуранг ўйнади ("Галатасарой" (0:0), "Самсунпор" (2:2, 0:0) ва "Эйюпспор" - 1:1) ва иккита мағлубиятга учради ("Галатасарой" (1:3) ва "Бешиктош" - (0:1).
"Фенербахче" 26 ўйиндан сўнг жадвалда 2-ўринда бормоқда ва бир ўйинга кўпроқ ўйнаган "Галатасарой"дан 9 очко ортда қолмоқда.
Мусобақа якунига қадар "Фенербахче" ўз майдонида "Бешиктош" ва "Аюпспор"га қарши баҳс олиб боради.
