«Краснодар» ҳужумчиси Фёдор Смолов «Ан-Наср» клуби форварди Криштиану Роналду ва «Манчестер Юнайтед»нинг собиқ бош мураббийи Эрик тен Хаг ўртасидаги можаро ҳақида фикр билдирди.

«Криштиану – ажойиб ва буюк инсон, аммо мен уни жуда ҳам кузатмайман. Лекин, масалан, «Манчестер»даги вазиятни оладиган бўлсак, Криштиану билан ўша вақтдаги «Манчестер» мураббийи қандай муомала қилган бўлса, бундай бўлмаслиги керак эди. Голландиялик мураббий, Марказий Европанинг вакили – «Менга бу ерда юлдузлар керак эмас, чунки мен «Аякс»да ёшлар билан ишлашга ўрганганман, мен уларга ниманидир айтсам, улар менга эргашади» деган фикрга таянади. Бу ерда бошқа ёндашув керак эди. Ўша вақтда у бундай ёндашувни топа олмади», — деди Смолов Александр Соколовскийнинг YouTube-каналига берган интервьюсида.