Хитой миллий терма жамоасининг мағлубияти учун мамлакат президенти Си Цзиньпин тарихда илк марта узр сўради. Пайшанба куни хитойликлар Хоххот шаҳрида Ўзбекистон терма жамоаси билан ўртоқлик ўйинини ўтказиб, 1:2 ҳисобида мағлубиятга учрашди.

Мамлакат раҳбари ўзининг ижтимоий тармоқлардан биридаги микроблогида пайшанба куни кечаси "Узр" деб ёзди. Ушбу "узрнома"га ижтимоий тармоқда 27 минг маротаба муносабат билдирилган.

Ушбу мағлубият хитойликлар учун яна шуниси билан аламли бўлдики, Гонконг термаси февраль ойида Ўзбекистон билан дуранг ўйнаган ҳолда, улар ўз уйларида ютқазиб қўйишди. Хитой — дунёнинг энг кўп аҳолиси истиқомат қиладиган ва иқтисодиёти жаҳонда 2-ўринда турадиган ўлка. Терма жамоа март ойида Ироқни мағлубиятга учратганди.

"Хитой терма жамоаси шунча ҳаракат қилаётган бўлса-да, шу пайтгача атиги бир марта ЖЧга чиққан. Ўша пайтда терма жамоани Бора Милутинович бошқарарди", дея ўзининг футболга қизиқишини маълум қилганди Хитой Халқ Республикаси раиси Си Цзиньпин.