Лука Модрич терма жамоа ўйини олдидан матбуот анжуманини ўтказиб юборишга мажбур бўлди.

Хорватия терма жамоаси сардори Миллатлар Лигаси 1/4 финалидан ўрин олган Францияга қарши ўйин олдидан журналистларнинг саволларига жавоб бериши керак эди. Бироқ 39 ёшли футболчи овозидан айрилган, у тадбирда иштирок этишдан бош тортишига тўғри келган. Унинг ўрнини дарвозабон Доминик Ливакович эгаллади.

Қайд этилишича, бу муаммо Модричнинг ўйинда иштирок этишига тўсқинлик қилмайди. Франция ва Хорватия терма жамоалари ўртасидаги учрашув 20 март куни бўлиб ўтади.