Германия терма жамоаси ва «Бавария» клуби ҳужумчиси Марио Гомесни бира тўла икки Италия клубларининг унга таклиф қилаётган шартлари қаноатлантирмоқда.
Келаси мавсумни ҳужумчи «Наполи» ёки «Фиорентина» жамоаларидан бирида бошлаши мумкин. Улоқни 16-18 миллион евро атрофида пул тўлай оладиган томон илиб кетиши мумкин.
Хабарингиз бор, жорий мавсум бошида Гомес жароҳат олган ва кейинчалик асосий таркибдаги ўрнини Марио Манджукичга бериб қўйган эди. Якунига етган мавсумда Гомес 21 учрашувда майдонга тушган ва 11 голга муаллифлик қилган.













