Роберто Мартинес Криштиану Роналдунинг танқидларига жавоб қайтарди.
Португалия терма жамоаси Миллатлар лигасининг 1/4 финали биринчи ўйинида Даниядан мағлуб бўлди (0:1). Жамоалар эртага жавоб ўйинида майдонга тушишади.
"Иккала жамоа ҳам тактик жиҳатдан жуда мослашувчан, биз иккита ҳужумчи билан ўйнадик. Рақибга қараб футболчиларимиздан фойдаланишимиз керак.
Лекин ҳар бир ўйинда Криштиану ҳақида гапиришга уринишнинг ҳожати йўқ. Агар Криштиану Роналду гол урса, у жамоадаги энг муҳим футболчи. Гол уролмаса, бу унинг ёши билан боғлиқ. Бу адолатсиз баҳо" - деди Португалия терма жамоаси бош мураббийи.
